Cambridge IGCSE IsiZulu as a Second Language 0531 — 2014 Oct/Nov Paper 2 · Variant 1

PAPA CAMBRIDGE This document consists of 8 printed pages. DC (LEG) 98229/2 © UCLES 2014 [Turn over Cambridge International Examinations International General Certificate of Secondary Education * 3 2 4 9 7 2 5 5 4 3 * ISIZULU AS A SECOND LANGUAGE 0531/02 Paper 2 Listening October/November 2014 Approx. 35–45 minutes Candidates answer on the Question Paper. Additional Materials: No additional materials are required. READ THESE INSTRUCTIONS FIRST Write your Centre number, candidate number and name on all the work you hand in. Write in dark blue or black pen. Do not use staples, paper clips, highlighters, glue or correction fluid. DO NOT WRITE IN ANY BARCODES. Answer all questions. At the end of the examination, fasten all your work securely together. The number of marks is given in brackets [ ] at the end of each question or part question.

PAPA CAMBRIDGE 2 0531/02/O/N/14 © UCLES 2014 Umsebenzi 1, imibuzo 1–6 Lalela inkulumo eyethulwa nguNkosazane Nokwanda Mkhize emayelana nokuphathwa kwebhizinisi uyethula emcimbini wokuvulwa kwenxanxathela yezitolo edolobheni lakwaNongoma. Phendula imibuzo elandelayo ngokufaka uphawu (✓) ebhokisini elifanele eceleni kwesitatimende ukukhombisa ukuthi siliqiniso noma singamanga. Uzoyizwa kabili le nkulumo. Uzonikwa ithuba lokufundisisa imibuzo kuqala. Iqiniso Akusilo 1 UNokwanda ufanisa ibhizinisi nengane encane edinga ukunakekelwa. [1] 2 UNokwanda uthi kudingeka ube nemali oyibekile uma uzoqala ibhizinisi. [1] 3 UNokwanda uthi uma ibhizinisi lingasheshi ukuveza inzuzo ekuqaleni kumele uliyeke uqale elinye. [1] 4 Abasebenzi kumele baholelwe kungalindwa ukuthi ibhizinisi liveze inzuzo, kusho uNokwanda. [1] 5 UNokwanda ucabanga ukuthi yisu elihle ukuvula i-internet Café emakhaya? [1] 6 UNokwanda ucabanga ukuthi uma unebhizinisi akumele uhleke kakhulu nabantu ngoba bazokujwayela. [1] [Amamaki: 6]

PAPA CAMBRIDGE 3 0531/02/O/N/14 © UCLES 2014 [Turn over PLEASE TURN OVER FOR UMSEBENZI 2

PAPA CAMBRIDGE 4 0531/02/O/N/14 © UCLES 2014 Umsebenzi 2, imibuzo 7–11 Lalela inhlolovo phakathi kukaLondi Dlamini ongumgwedli wasemfuleni neNhloko Yabafana yesikole iJabulani Boys ngomjaho weDusi Marathon. Phendula umbuzo ngamunye ngokufaka uphawu (✓) ebhokisini eliseceleni nempendulo ocabanga ukuthi yiyona yona, uA, uB, uC noma uD. Uzoyizwa kabili le nhlolovo. Uzonikwa ithuba lokufundisisa imibuzo kuqala. 7 ULondi uthi ukuze agcine umzimba wakhe uqinile futhi ukulungele ukungenela umjaho weDusi ... A uqala ukuziqeqesha ekuqaleni konyaka. B uqala ukuziqeqeshela ukugwedla unyaka wonke. C uziqeqesha sekusele izinyanga ezintathu kube ngumqhudelwano. D uqala ukugwedla sekusele amasonto amathathu ngaphambi komjaho. [1] 8 ULondi ... A ucabanga ukuthi abagwedli abambalwa babesezingeni eliphezulu kulo nyaka. B ucabanga ukuthi unamathuba angcono okuphumelela umjaho kulo nyaka. C uhlose ukuqeda abe ngowesihlanu noma ngaphezulu kulo mjaho. D uzizwa enesiqiniseko sokuthi uzophumelela abe kwabesithathu bokuqala kulo nyaka. [1] 9 Ngesikhathi somjaho uLondi wazama ... A ukunamathela ohlelweni ayelwenzile ngaphambi komjaho. B ukuzikhandla kanzima kusukela ekuqaleni ukuhamba phambili kunabanye. C ukugcina izinga elifanayo lejubane ukuze angakhathali. D ukufunda kwabanye abagwedli njengoba yena wayengenasipiliyoni. [1]

PAPA CAMBRIDGE 5 0531/02/O/N/14 © UCLES 2014 [Turn over 10 Yisiphi isitatimende esiliqiniso kulezi ezilandelayo? A ULondi wayeneminyaka engama-21 ngesikhathi ephula irekhodi lomgwedli ophambili wosuku. B Irekhodi losuku lokugcina eliphambili lahlala iminya engama-21 ngaphambi kokuba uLondi alephule. C Ukwephula irekhodi lomgwedli ogijima ukubedlula bonke kwakubalulekile kakhulu kunokuphumelela kuLondi. D Ukwephula irekhodi lomgwedli ogijima ukubedlula bonke akubalulekile kangako kuLondi njengamanje. [1] 11 Ukuphumelela umjaho ... A kukhuphule izinga likaLondi lokuzethemba kwehlisa nengcindezi ngomjaho wangonyaka olandelayo. B kukhuphule izinga likaLondi lokuzethemba kodwa lenyusa ingcindezi ngomjaho wangonyaka olandelayo. C kuchaza ukuthi angaba ngomunye ongaphumelela emjahweni wangonyaka olandelayo. D akushintshanga lutho mayelana nezinga azophumelela ngalo ngonyaka ozolandela. [1] [Amamaki: 5]

PAPA CAMBRIDGE 6 0531/02/O/N/14 © UCLES 2014 Umsebenzi 3, umbuzo 12 Lalela inhlolovo phakathi kukaNgqongqoshe Wezamanzi Namahlathi uNkk Bhengu kanye nentatheli yephephandaba uMnu Kubheka emkhankasweni wokufundisa ngokongiwa kwemvelo eMadadeni. Uzoyizwa kabili le nhlolovo. Uzonikwa ithuba lokufunda imibuzo kuqala. Gcwalisa amanothi ngesiZulu: UKONGIWA KWEMVELO Isibonelo sesilwane esisengozini yokushabala: … [1] Imbangela yokuncipha kwamanzi: * kushiya ompompi bevuza * sebenzisa … [1] Izindlela ezinconywayo zokuvikela amahlathi: * ukungagawulwa kwezihlahla * kuyekwe … [1] Izindlela ezinconywayo zokubhekana nokungcoliseka kwemvelo: * ukubeka eceleni usuku olulodwa lokuhlanza * ukunikeza izigwebo ezinzima … [1] * … amafemu amakhulu angalandeli imithetho [1] Izindlela ezinhle zokusebenzisa amanzi: * ukuwaphuza * ukugeza * ukuwasha izingubo * … [1] * … [1] Iqhaza labasha ekulondolozeni imvelo: * qwashisa abantu ngalokhu * … … [1] [Amamaki: 8]

PAPA CAMBRIDGE 7 0531/02/O/N/14 © UCLES 2014 [Turn over Umsebenzi 4, imibuzo 13–19 Lalela inhlolovo ephakathi kukaMnu Sizwe Ngobeni noBrigadier Thandeka Mbhele ofake isicelo somsebenzi embuthweni wezokuvikelwa kwezwe iSANDF. Uzoyizwa kabili le nhlolovo. Uzothola ithuba lokufunda imibuzo kuqala. Phendula imibuzo ngesiZulu: 13 Waqala nini uMnu Ngobeni ukuba nesifiso sokusebenzela umbutho wezokuvikela? … … [1] 14 Ngubani owakhuthaza uMnu Ngobeni ukuba asebenzele umbutho wezokuvikela, kungani akwenza lokhu? … … … [2] 15 UMnu Ngobeni uyozisebenzisa kanjani iziqu zakhe kuSANDF? … … [1] 16 Yiziphi ezinye iziqu uMnu Ngobeni anazo ngaphandlle kobunjiniyela? … … [1] 17 Wayenza msebenzi muni uMnu Ngobeni emsebenzini wakhe wesikhashana? … … [1]

PAPA CAMBRIDGE 8 0531/02/O/N/14 © UCLES 2014 Permission to reproduce items where third-party owned material protected by copyright is included has been sought and cleared where possible. Every reasonable effort has been made by the publisher (UCLES) to trace copyright holders, but if any items requiring clearance have unwittingly been included, the publisher will be pleased to make amends at the earliest possible opportunity. Cambridge International Examinations is part of the Cambridge Assessment Group. Cambridge Assessment is the brand name of University of Cambridge Local Examinations Syndicate (UCLES), which is itself a department of the University of Cambridge. 18 UMnu Ngobeni uzichaza njengomuntu onjani kule nhlolovo? Bhala okuthathu. (i) … … [1] (ii) … … [1] (iiii) … … [1] 19 Shono izimo ezimbili okumele zibhekane nomuntu osebenza ngaphansi kombutho wezokuvikela? … … …[2] [Amamaki: 11]

PAPA CAMBRIDGE ® IGCSE is the registered trademark of Cambridge International Examinations. CAMBRIDGE INTERNATIONAL EXAMINATIONS Cambridge International General Certificate of Secondary Education MARK SCHEME for the October/November 2014 series 0531 ISIZULU AS A SECOND LANGUAGE 0531/02 Paper 2 (Listening), maximum raw mark 30 This mark scheme is published as an aid to teachers and candidates, to indicate the requirements of the examination. It shows the basis on which Examiners were instructed to award marks. It does not indicate the details of the discussions that took place at an Examiners’ meeting before marking began, which would have considered the acceptability of alternative answers. Mark schemes should be read in conjunction with the question paper and the Principal Examiner Report for Teachers. Cambridge will not enter into discussions about these mark schemes. Cambridge is publishing the mark schemes for the October/November 2014 series for most Cambridge IGCSE®, Cambridge International A and AS Level components and some Cambridge O Level components.

PAPA CAMBRIDGE Page 2 Mark Scheme Syllabus Paper Cambridge IGCSE – October/November 2014 0531 02 © Cambridge International Examinations 2014 Umsebenzi 1, imibuzo 1–6 1 Iqiniso [1] 2 Akusilo [1] 3 Akusilo [1] 4 Iqiniso [1] 5 Akusilo [1] 6 Akusilo [1] [Total: 6] Umsebenzi 2, imibuzo 7–11 7 B [1] 8 C [1] 9 C [1] 10 B [1] 11 B [1] [Total: 5]

PAPA CAMBRIDGE Page 3 Mark Scheme Syllabus Paper Cambridge IGCSE – October/November 2014 0531 02 © Cambridge International Examinations 2014 Umsebenzi 3, umbuzo 12 UKONGIWA KWEMVELO Isibonelo sesilwane esisengozini yokushabala: ngubhejane [1] • kukushiya ompompi bevuza • sebenzisa amapayipi amanzi (ukuwasha izimoto). [1] Izindlela ezinconywayo zokuvikela amahlathi: • ukungagawulwa kwezihlahla • kuyekwe ukuxetshulwa kwamagxolo ezihlahla [1] Izindlela ezinconywayo zokubhekana nokungcoliseka kwemvelo: 1 ukubeka eceleni usuku olulodwa lokuhlanza 2 ukunikeza izigwebo ezinzima kwabangcolisayo [1] 3 ukuvalwa kwamafemu amakhulu angalandeli imithetho [1] Izindlela ezinhle zokusebenzisa amanzi 1 ukuwaphuza 2 ukugeza 3 ukuwasha izingubo 4 ukuchelela ngawo izitshalo [1] 5 ukuphehla ngawo ugesi [1] Iqhaza labasha ekulondolozeni imvelo 1 ukuqwashisa abantu ngalokhu 2 ukufundisa abantu ngalokhu [1] [Total: 8]

PAPA CAMBRIDGE Page 4 Mark Scheme Syllabus Paper Cambridge IGCSE – October/November 2014 0531 02 © Cambridge International Examinations 2014 Umsebenzi 4, imibuzo 13–19 13 Wakuthanda esemncane ebona umalume wakhe owayesebenza kwezokuvikela nakuMkhonto wesizwe [1] 14 Ngumalume wakhe [1] ngoba wayesebenzela umbutho weMK/ eyisosha lombutho weSANDF.[1] [2] 15 Angathanda ukwakha amabhuloho nezinkundla zamabhanoyi. [1] 16 Isitifiketi seComputer Programming. [1] 17 Wayebheka okonakele aphinde ayilungise. [1] 18 (i) Ungumuntu othanda ukusebenza ngokuzinikela, nangokuzikhandla okukhulu. [1] (ii) Uthanda ukwakha ubudlelwane obuhle nabasaduze kwakhe [1] (iii) Uthanda ukuba lusizo kwabanye abantu, ikakhulu abahluphekileyo. [1] 19 Ukwazi ukumelana nobuningi bamahora asetshenzwayo nosuku olude. [1] Ukwamukela isidingo esingahle sivele sokuba uyohlala kude nasekhaya isikhathi esingaba ngamaviki kumbe izinyanga? [1] [Isamba: 11]

PAPA CAMBRIDGE Page 5 Mark Scheme Syllabus Paper Cambridge IGCSE – October/November 2014 0531 02 © Cambridge International Examinations 2014 Transcript Umsebenzi 1, imibuzo 1–6 Izwi lowesifazane: Ngibonga ithuba mphathi wohlelo. Ngibingelela ngenhlonipho iSilo samaZulu nendlunkulu yonkana. USodolobha, UNgqongqoshe wezokuThuthukiswa komnotho noMphakathi wonke wakwaNongoma namaphethelo. Kuyintokozo enkulu kimi ukuthola leli thuba lokuba ngithi ukukhuluma mayelana nokuphathwa kwebhizinisi. Ibhizinisi liyatetema lifana nosana. Lifuna ulinakekele njengoba unakekela usana. Kufanele wazi ukuthi uma uqala ibhizinisi, udinga ube nemali. Akufanele ujahe ukuthola inzuzo. Uma usalisungula ibhizinisi singakufanisa nje nokwakha indlu, lapho oqale umbe ushone phansi, bese uthela usimende phansi zingakasukumi izindonga. Nebhizinisi linjalo. Udinga ukuthi wenze imizamo yokukhangisa ibhizinisi lakho, ngaphandle kwalokho angeke uthengwe umkhiqizo wakho. Udinga imali yokuholela abasebenzi. Ngeke uthi uyabaholela ngoba usuthole inzuzo, nabo banezidingo zabo. Ibhizinisi liyasidinga kakhulu isikhathi sakho uma usalisungula. Lesi yisikhathi Kuningi okufundayo ngalesi sikhathi ufunda umsebenzi, kungaba ukuchitha isikhathi ukuvula ibhizinisi le-inthanethi emakhaya, kubantu abangaboni sidingo se-inthanethi. Funda ukuphatha abathengi. Kumele ukhumbule ukuthi bonke laba bantu banamalungelo, ngakho bahloniphe. Akusafani nakuqala lapho wawuqasha uxoshe ngokuthanda kwakho. Kubalulekile futhi ukuhlanganyela nabanye osomabhizinisi nabasakhasa ukuze nesekelane ngemikhiqizo engafani. Uma ibhizinisi lakho selivuthiwe, ususethubeni elihle lokucabanga izindlela ongalithuthukisa ngazo. Kudinga uqaphele ukuthi imali uyisebenzisa ngendlela efanele, ukubheka inzuzo nokuyizalanisa. Ukugcinwa kwamabhuku ezimali kungumgogodla webhizinisi. Kubalulekile ukuqhubeka uzenzele ugazi kubathengi. Empeleni nje ibhizinisi lifuna umuntu wabantu, hhayi inkomo edla yodwa, othanda ukuhlala yedwa, hhayi futhi ipigogo elithanda ukubukwa. Abantu bayalicasukela ipigogo. Ungabona sebengasawuthengi umkhiqizo wakho kanti uwena osuphenduke ipigogo.

PAPA CAMBRIDGE Page 6 Mark Scheme Syllabus Paper Cambridge IGCSE – October/November 2014 0531 02 © Cambridge International Examinations 2014 Umsebenzi 2, imibuzo 7–11 Izwi lowesilisa: Umjaho weDusi Canoe Marathon ngumjaho wenzeka endaweni engubude obungamakhilomitha angama 125, ngezinsuku ezintathu, phakathi koMgungundlovu kanye neTheku, izingxenyana zalo mjaho zihanjwa ngezinyawo abagwedli betshethe izikepbhe zokugwedla. ULondi Dlamini, yintombazane engenele umqhudelwano phakathi kweminyaka ka 2010 kuya ku 2012, ungenele imijaho emi-5 kanti onyakeni ka 2012 uzithole kunguye ophumelele. Ake sixoxisane naye. Zazihamba kanjani izinhlelo zakho zokuziqeqesha ulungiselela lo mjaho? Izwi lowesifazane: Ngiziqeqesha unyaka uqala uze uyophela, ngizigcina nginomzimba oqinile nophilile ngokungenela imijaho emide kanye nokushaya umgwaqo. Ngiqale ukuziqeqesha okuqondene nalo mjaho sekusele izinyanga ezintathu ngaphambi komjaho, ngiphuma ngiyogwedla okusemandleni nokuthokozela isikhathi esimnandi emfuleni noma edamini. Izwi lowesilisa: Wawucabanga ukuthi uzokwenza kanjani kulo mjaho kulo nyaka? Izwi lowesifazane: Lo nyaka bekuwunyaka onzima wokuqhudelana ngoba kwakunabagwedli abasezingeni eliphakeme kakhulu ngakho ngangicabangi ukuthi ngingagcina ngiphumelele kulo mjaho. Ngangifuna okungenani ukuphuma kwabayisihlanu bokuqala uma ngenze kahle kakhulu ngiphume kwabathathu bokuqala. Izwi lowesilisa: Sasinjani isimo somqondo wakho ngesikhathi somjaho? Izwi lowesifazane: Yize lo mjaho uqhubeka ngezinsuku ezintathu ngangingenaso isikhathi sokucabanga okungakenzeki, ngangizicabangela ngemanje usaqhubeka umjaho, ngizama ukugcina umgqigqo nejubane elifanele ngenza isiqiniseko sokuthi angigwedli ngamandla kakhulu kusesekuqaleni hleze ngisheshe ngiphelelwe ngamandla. Bengilokhu ngikwenza lokhu eminyakeni embalwa edlule ngakho sengifunde ukulungiselela umqondo wami ngomjaho, futhi lokhu kungisebenzela kahle kakhulu. Izwi lowesilisa: Wazizwa unjani lapho weqa intambo ekugcineni? Izwi lowesifazane: Kwamane kwangeqa konke lokhu kwacishe kwangisanganisa ikhanda. Kwangithatha isikhathi ngaphambi kokuba kungicacele ukuthi ngiphumelele, eqinisweni namanje akukangeni ekhanda lokhu. Izwi lowesilisa: Wazizwa unjani uma sewuthola ukuthi wephule irekhodi elisha losuku lokugcina lomjaho?

PAPA CAMBRIDGE Page 7 Mark Scheme Syllabus Paper Cambridge IGCSE – October/November 2014 0531 02 © Cambridge International Examinations 2014 Izwi lowesifazane: Kwafana nombhanselo lokho kimi. Kwakuyirekhodi leDusi ebeselimi isikhathi eside seminyaka engama-21 edlule. Ukukhuluma iqiniso, ngaleso sikhathi angizange ngilinake kakhulu irekhodi, ukuphumelela kwakuyiyona nto ebaluleke kakhulu kimi. Kodwa manje ngikuzwa kumnandi ukuba nalo futhi ngethemba ukuthi lizoke lime isikhashana. Izwi lowesilisa: Lokhu kuphumelela kwakushintsha kanjani ukuzethemba kwakho mayelana nemijaho ezayo owawusazoyingenela esikhathini esizayo? Izwi lowesifazane: Ngempela ukuphumelela kwenze ukuba ngizethembe kakhulu kunakuqala, kodwa ngesikhathi esifanayo kungifakele ingcindezi. Ngifike kulo mjaho walo nyaka ngifana nehhashi elimnyama elingakaze liphumelele liphume kwabokuthathu bokuqala kodwa manje ngoba ngiphumelele abantu balindele ukuba ngenze okufanayo ngonyaka ozayo.

PAPA CAMBRIDGE Page 8 Mark Scheme Syllabus Paper Cambridge IGCSE – October/November 2014 0531 02 © Cambridge International Examinations 2014 Umsebenzi 3, umbuzo 12 Izwi lowesilisa: Sawubona mama. Ngifisa ukwazi ukuthi njengoba nihlangene lapha nje nihlanganele ukwenzani? Izwi lowesifazane: Siyabonana mntanami. Sihlangene lapha nje sisemkhankasweni wokufundisa abantu ngokongiwa kwemvelo. Izwi lowesilisa: Ngabe sekunenkinga yini ngemvelo? Izwi lowesifazane: Yebo ndodana, sekunenkinga enkulu impela. Sekutholakele ukuthi akusensuku zatshwala imvelo esinayo ishabalale kuhle kwamazolo ebona ilanga ngenxa yendlela ephethwe ngayo. Abantu abayinakekeli okwangempela imvelo. Izwi lowesilisa: Kuyini lokhu okwenziwa ngabantu okudicilela phansi imvelo osekungaze kuyenze iphele? Izwi lowesifazane: Okokuqala abantu abayinakekeli imvelo, abazi nokuthi lidumephi nje. Abantu bayazingenela nje eziqiwini bazingele obhejane ukuze bathole uphondo lwabo bahambe bayoludayisa khona bezothola imali, phela imali ayiluthezi olumanzi. Okwesibili sekutholakele ukuthi eminyakeni engemingaki ezayo sizoba nenkinga yamanzi. Abantu abanendaba bamane bashiye ompompi bevuza amanzi, lokho okuholela ekutheni amanzi esinawo anciphe. Abantu abakafundi ukuthi akumele basebenzise ipayipi ukugeza izimoto. Abantu kumele bavikele imvelo ngokuthi bangawangcolisi amanzi. Izwi lowesilisa: Ngokwakho ukubona yini engenziwa ukuze imvelo ivikeleke? Izwi lowesifazane: Kuningi kabi okungenziwa. Silapha nje sesiqale wona umkhankaso wokufundisa abantu ngokongiwa kwemvelo. Abantu kumele bazi ukuthi kuyicala elibomvu ukuzingela izilwane zasendle ngokungemthetho. Oyotholakala enza lokho uyothathelwa izinyathelo ezinzima. Abantu kumele bonge amahlathi ngokuthi bangahambi begawula izihlahla noma kuphi. Abantu kumele baxwayiswe ngokuxebula amagxolo ezihlahla ngoba ukwenzenjalo kuyazibulala ngoba lokho kuyayinukubeza imvelo. Kumele kanye ngesonto kube nelanga lokukhuculula konke ukungcola okwenzakele nomuntu otholakala elahla noma kuphi ajeze ngaleso senzo sakhe sobunuku. Izimboni ezinkulu ezikhiqiza amakhemikhali angcolisa umoya kumele zivalwe uma zingafuni ukwenza imizamo yokunciphisa ukungcolisa umoya. Izwi lowesilisa: Imvelo ibaluleke ngani? Izwi lowesifazane:

PAPA CAMBRIDGE Page 9 Mark Scheme Syllabus Paper Cambridge IGCSE – October/November 2014 0531 02 © Cambridge International Examinations 2014 Amanzi angumgogodla wempilo, uma sidedela amanzi ashabalale impilo izophela kithi. Siphila nje kungenxa yamanzi, amanzi siyawaphuza, sigeze ngawo, sichelele ngawo izitshalo, siwashe ngawo kubuye kuphehlwe ngawo ugesi. Nomoya nawo ubaluleke njengawo amanzi. Angithi uyazi ukuthi umuntu ophelelwa umoya kuba nzima kanjani ukuphefumula uma umuntu umncisha umoya nakanjani lowo uyafa. Izwi lowesilisa: Iliphi iqhaza elingabanjwa intsha lapha? Izwi lowesifazane: Phela kuthiwa inkunzi isematholeni. Intsha iyona okumele ibambe iqhaza elikhulu ngokuthi ihambe iqwashisa abantu ngenkinga esibhekene nayo yokunukubezeka kwemvelo, iphinde ifundise ngezinto okumele zenziwe ukuvikela lesi simo esizayo. Izwi lowesifazane: Nami ngiyabonga ndodana.

PAPA CAMBRIDGE Page 10 Mark Scheme Syllabus Paper Cambridge IGCSE – October/November 2014 0531 02 © Cambridge International Examinations 2014 Umsebenzi 4, imibuzo 13–19 Izwi lowesifazane: Sawubona Mnumzane Ngobeni. Siyakwamukela kule inthaviyu ephathelene nesicelo sakho somsebenzi embuthweni wezokuvikela iSANDF. Mina nginguBrigadier Thandeka Mbhele. Izwi lowesilisa: Sawubona Brigadier Mbhele. Ngiyabonga ukungimema kwenu kule inthaviyu engethemba ukuthi izongivulela amasango okufeza amaphupho ami. Izwi lowesifazane: Ngibonile kwiCV yakho ukuthi ungumuntu ophothule iziqu ze-Engineering eTshwane University of Technology. Ungake ungichazele ukuthi yini ekuhehele embuthweni wezokuvikela ube unesitifiketi esihle kangaka somsebenzi wobunjiniyela. Izwi lowesilisa: Brigadier, ngabuthanda kakhulu ubusotsha ekukhuleni kwami, ngaba nentshisekelo yokuphosa itshe esivivaneni sokuvikela izwe lakithi engayithola kumalume owabe eyilungu loMkhonto Wesizwe, waphinde waba nguSayitsheni embuthweni kwazwelonke wezokuvikela, manje osethathe umhlalaphansi. Ngithe noma ngikhetha izifundo zobunjiniyela bezobuxhakaxhaka bemishini, ngabe ngizitshela ukuthi lolu lwazi engilufundelayo lungaba wusizo embuthweni wezempi ukwakha amabhuloho nezinkundla zamabhanoyi empi. Izwi lowesifazane: Ngabe usazimisele yini ukuqhuba izifundo zakho Mnu Ngobeni? Uma kunjalo, uzimisele ukuziqhuba kumuphi umkhakha? Izwi lowesilisa: Ngaphezu kwakho konke Brigadier. Ngizimisele ukufundela ubusotsha. Uma bekungenzeka, bengingalithokozela ithuba lokuba ngigogode ezifundweni ezibhekene ngqo nobunjiniyela bemishini. Izwi lowesifazane: Ngabe akhona yini amanye amakhono onawo ngaphandle kwezobunjiniyela? Izwi lowesilisa: Yebo Brigadier, elinye ikhono enginalo ngelokuhlela ukusebenza kwamakhompuyutha okwaziwa ngokuthi yiComputer Programming. Izwi lowesifazane: Walizuzaphi leli khono Mnu Ngobeni? Izwi lowesilisa: Ngangeniswa kulo wumngane wami yena owakhetha zona lezi zifundo zamakhompyutha. Waqale wangikhombisa kancane, kancane ukusebenza kwawo, nami ngaze ngaba nogqozi lokwazi kabanzi ngawo. Ngakho-ke ngabe sengibhalisela izifundo zeComputer Programming zangasese esikoleni

PAPA CAMBRIDGE Page 11 Mark Scheme Syllabus Paper Cambridge IGCSE – October/November 2014 0531 02 © Cambridge International Examinations 2014 iProgressive ITC Institute, engangifunda kusihlwa ngezinsuku ezithile evikini izinyanga eziyisithupha. Lokhu ngakwenza ngisafundela bona ubunjiniyela. Ekugcineni ngazuza isitifiketi sawo lo msebenzi. Izwi lowesifazane: Ukhona yini umsebenzi osuke wawusebenza Mnu Ngobeni? Izwi lowesilisa: Angikaze ngisebenze ngokugcwele kodwa ngake ngasebenza okwesikhashana efekthri ekhiqiza imishini yokuthunga umshini wokuthunga ohluphayo obuyiswe ngamakhasimende, ngisize ukuwuhlola ukuthi ngabe udingani, bese ngiwulungisa ukuze ubuyele esimweni sokusebenza futhi. Izwi lowesifazane: Ungazichaza ngokuthi ungumuntu onjani Mnuzane Ngobeni? Izwi lowesilisa: Ngingumuntu othanda ukusebenza ngokuzinikela, nangokuzikhandla okukhulu. Ngizama ngaso sonke isikhathi ukwakha ubudlelwane obuhle nabasaduze kwami. Ngiyathanda ukuba lusizo kwabanye abantu, ikakhulu abahluphekileyo. Izwi lowesifazane: Uma uthola ithuba lokungenela ukuqeqeshwa embuthweni wezokuvikela, Mnumzane Ngobeni, ungakwazi ukusebenza usuku lonke namahora amade, kanye nesidingo esingahle sivele sokuba uyohlala kude nasekhaya isikhathi esingaba ngamaviki kumbe izinyanga? Izwi lowesilisa: Phinde, Brigadier, ngeke ngaba nenkinga nencane ngalokho. Izwi lowesifazane: Mangibonge-ke Mnu Ngobeni ngesikhathi osiphe sona sale nhlolovo. Sizokwazisa umphumela wayo uma sesiqede onke ama-inhlolovo esisazoba nawo, futhi sathola nesikhathi sokuhlanganisa amakhanda mayelana nesicelo sakho. Sikufisela inhlanhla esicelweni sakho. Izwi lowesilisa: Nami ngibonga kakhulu Brigadier ngethuba eninginike lona lokuziveza kini.